பாத ஆணி - சேற்றுப்புண் - எளிய வழிகள்

“நாலு அடி எடுத்துவைப்பதற்குள் நாக்குத் தள்ளுது” என்று, நடக்கும்போது சிலர் வலியால் புலம்புவார்கள். பாதங்களைப் பதம் பார்க்கும் சேற்றுப்புண், பித்த வெடிப்பு, தோல் உரிதல், ஆணி ஆகியவைதான் வலிக்குக் காரணங்கள். இவற்றிலிருந்து மீள எளிய வழிகள் சித்த மருத்துவத்தில் இருக்கின்றன.
பித்த வெடிப்பு
உடலில் வாதம், பித்தம், கபம் என்ற மூன்று உயிர்த் தாதுக்கள் மிகுந்தாலும் குறைந்தாலும் நோய்கள் ஏற்படலாம். பித்தம் அதிகமானால் ஏற்படக்கூடிய நோய்களில் பித்தவெடிப்பும் ஒன்று. பாத ஓரத்தில் அழுக்குகள், கிருமித் தொற்று நீடித்தால், பித்த மிகுதியும் சேர்ந்துகொண்டு, வெடிப்புகளை ஏற்படுத்தும். இதனால், நீர் மற்றும் சீழ் வடிதல், புண், வலி ஏற்படும். பித்தவெடிப்பைத் தவிர்க்க, குளிக்கும்போதும், இரவு தூங்கப் போவதற்கு முன்பும், பாத ஓரங்களில் உள்ள அழுக்குகளை நீக்கி, சுத்தமாகக் கழுவித் துடைக்க வேண்டும். பாதத்தில் விளக்கெண்ணெய் தேய்த்துவர, பித்த வெடிப்பு குறையும். நாட்டு மருந்துக் கடைகளில் கிடைக்கும். குங்குலிய வெண்ணெயைப் பாதங்களுக்குத் தடவிவர, மிக விரைவில் பித்த வெடிப்பு குறையும். கிளிஞ்சல் மெழுகை விளக்கெண்ணெயுடன் சேர்த்துக் குழப்பி, வெடிப்புகளில் தடவலாம். சீழ், புண் இருந்தால், அதற்கு அமிர்த வெண்ணெய் பலனளிக்கும்.
பாத ஆணி
உடலில் உள்ள நச்சுப்பொருட்கள் சரிவர வெளியேறாதபோது, அவை பாதங்களில் திரண்டு நிற்கும். உடலின் எடை அதிகரிக்கும் போதோ, கடினமான தரைகளில் அழுத்தம் கொடுத்து நடக்கும்போதோ, அவை ஆணியாக மாறும். எலுமிச்சைப் பழத்தைத் தேய்ப்பதன் மூலம், பாதத்தில் உள்ள அழுக்கினை நீக்கலாம். முடிந்தவரை, கடினமானத் தரைகளில் நடப்பதைத் தவிர்க்க வேண்டும். அடிக்கடி, புல் தரையில் நடப்பது நல்லது. உடல் எடையைக் கட்டுக்குள் வைத்திருக்க வேண்டும். மருதாணி அரைத்துப் பூச, தோலின் கடினத்தன்மை குறையும். பப்பாளிப்பழக் கூழ், பாதத்தை மென்மையாக்கும்.
சேற்றுப்புண்

மண், சேறு சகதியில் உள்ள பாக்டீரியா, நுண்கிருமிகள், பாத விரல்களின் இடுக்குகளில் தங்கும்போது, அவை, வியர்வையில் வளரத்தொடங்கும். பாதங்களைச் சரியாக சுத்தப்படுத்தாமல் போகும்போது, சேற்றுப்புண் வரும். அதிக நேரம் நீரில் கால் வைத்திருந்தாலும், சேற்றுப்புண் ஏற்படலாம். தேங்காய் எண்ணெயுடன் மஞ்சளைக் குழைத்து, குளிப்பதற்கு முன்பு, காலில் தடவிக் குளித்தால், சேற்றுப்புண் வராது. கால்களில் சேற்றுப்புண் வந்தால், படிகார நீரைப் பயன்படுத்தி, பாதத்தைச் சுத்தப்படுத்திவிட்டு, புங்கன் தைலம் வாங்கித் தடவலாம். விரைவில் புண் ஆறும்.
தோல் உரிதல்
தோலின் வளர்ச்சி, காலநிலை மாற்றம், வைட்டமின் ஈ குறைபாடு காரணமாகச் சிலருக்குத் தோல் உரிதல் அதிகமாக இருக்கும். உணவில் தினம் ஒரு கீரை, காய்கறிகள் எடுத்துக்கொள்வது, வைட்டமின் ஈ மாத்திரைகளை உட்கொள்வதன் மூலம் இதனைக் குறைக்கலாம். மேலும், குளிக்கும்போது ஒரு காலை மற்றொரு பாதத்தால் தேய்த்துக் குளிக்க வேண்டும். இதனால், காலில் உள்ள வர்மப் புள்ளிகள் தூண்டப்பட்டு, பாதங்களில் ரத்த ஓட்டம் சீராகி, ஊட்டத்தை அளிக்கும்.
குதிகால் வாதம்
நன்றாகப் பாதங்களை ஊன்றி நடக்கவில்லை என்றாலோ, அதிக உயரமான செருப்பை அணிந்து நடந்தாலோ குதிகாலில் உள்ள எலும்புகள் கீழ் நோக்கி வளரும். இதனால், பாதங்களைக் கீழே ஊன்ற முடியாத அளவுக்குக் குதிகாலில் வலி ஏற்படும். இதற்கு, நன்றாகப் பழுத்த எருக்கு இலைகளை எண்ணெயில் காய்ச்சி, அதை ஒரு துணியில் நனைத்து, பாதத்தில் வைத்தால், வலி குறையும். கடைகளில் கிடைக்கும் மயனத் தைலத்தை சூடுபடுத்தி, குதிகாலில் தடவிவரலாம்.
சர்க்கரை நோயாளிகளுக்கு
பாதங்களில் ஏற்படும் புண்கள் ஆற, அங்கு ரத்த ஓட்டம் சீராக அமைந்து, புதிய ரத்தம் வந்துகொண்டே இருக்கவேண்டும். ஆனால், சர்க்கரை நோயினால் பாதிக்கப்பட்டுள்ளவர்களுக்கு பாதம் வரைக்கும், தேவையான ஊட்டச்சத்துச் சுழற்சி வராமல் போகும். இதனால், அவர்களின் பாதங்களில் ஏற்படும் புண் விரைவில் ஆறாது. சுழற்சியை அதிகப்படுத்த, நரம்பினை உரமாக்கக்கூடிய மூலிகைகளை எடுத்துக்கொள்ளலாம். ஒரு பாத்திரத்தில் வெந்நீரையும், மற்றொரு பாத்திரத்தில் குளிர்ந்த நீரையும் எடுத்துக்கொண்டு, கால்களை மாற்றி மாற்றி அதில் நனைத்தால், ரத்த ஓட்டம் சீராகும்.
- See more at: http://tamilseithy.net/46522#sthash.oudPqVEn.dpuf

     “நாலு அடி எடுத்துவைப்பதற்குள் நாக்குத் தள்ளுது” என்று, நடக்கும்போது சிலர் வலியால் புலம்புவார்கள். பாதங்களைப் பதம் பார்க்கும் சேற்றுப்புண், பித்த வெடிப்பு, தோல் உரிதல், ஆணி ஆகியவைதான் வலிக்குக் காரணங்கள். இவற்றிலிருந்து மீள எளிய வழிகள் சித்த மருத்துவத்தில் இருக்கின்றன.

பித்த வெடிப்பு

உடலில் வாதம், பித்தம், கபம் என்ற மூன்று உயிர்த் தாதுக்கள் மிகுந்தாலும் குறைந்தாலும் நோய்கள் ஏற்படலாம். பித்தம் அதிகமானால் ஏற்படக்கூடிய நோய்களில் பித்தவெடிப்பும் ஒன்று. பாத ஓரத்தில் அழுக்குகள், கிருமித் தொற்று நீடித்தால், பித்த மிகுதியும் சேர்ந்துகொண்டு, வெடிப்புகளை ஏற்படுத்தும். இதனால், நீர் மற்றும் சீழ் வடிதல், புண், வலி ஏற்படும். பித்தவெடிப்பைத் தவிர்க்க, குளிக்கும்போதும், இரவு தூங்கப் போவதற்கு முன்பும், பாத ஓரங்களில் உள்ள அழுக்குகளை நீக்கி, சுத்தமாகக் கழுவித் துடைக்க வேண்டும். பாதத்தில் விளக்கெண்ணெய் தேய்த்துவர, பித்த வெடிப்பு குறையும். நாட்டு மருந்துக் கடைகளில் கிடைக்கும். குங்குலிய வெண்ணெயைப் பாதங்களுக்குத் தடவிவர, மிக விரைவில் பித்த வெடிப்பு குறையும். கிளிஞ்சல் மெழுகை விளக்கெண்ணெயுடன் சேர்த்துக் குழப்பி, வெடிப்புகளில் தடவலாம். சீழ், புண் இருந்தால், அதற்கு அமிர்த வெண்ணெய் பலனளிக்கும்.

பாத ஆணி

உடலில் உள்ள நச்சுப்பொருட்கள் சரிவர வெளியேறாதபோது, அவை பாதங்களில் திரண்டு நிற்கும். உடலின் எடை அதிகரிக்கும் போதோ, கடினமான தரைகளில் அழுத்தம் கொடுத்து நடக்கும்போதோ, அவை ஆணியாக மாறும். எலுமிச்சைப் பழத்தைத் தேய்ப்பதன் மூலம், பாதத்தில் உள்ள அழுக்கினை நீக்கலாம். முடிந்தவரை, கடினமானத் தரைகளில் நடப்பதைத் தவிர்க்க வேண்டும். அடிக்கடி, புல் தரையில் நடப்பது நல்லது. உடல் எடையைக் கட்டுக்குள் வைத்திருக்க வேண்டும். மருதாணி அரைத்துப் பூச, தோலின் கடினத்தன்மை குறையும். பப்பாளிப்பழக் கூழ், பாதத்தை மென்மையாக்கும்.

சேற்றுப்புண்

மண், சேறு சகதியில் உள்ள பாக்டீரியா, நுண்கிருமிகள், பாத விரல்களின் இடுக்குகளில் தங்கும்போது, அவை, வியர்வையில் வளரத்தொடங்கும். பாதங்களைச் சரியாக சுத்தப்படுத்தாமல் போகும்போது, சேற்றுப்புண் வரும். அதிக நேரம் நீரில் கால் வைத்திருந்தாலும், சேற்றுப்புண் ஏற்படலாம். தேங்காய் எண்ணெயுடன் மஞ்சளைக் குழைத்து, குளிப்பதற்கு முன்பு, காலில் தடவிக் குளித்தால், சேற்றுப்புண் வராது. கால்களில் சேற்றுப்புண் வந்தால், படிகார நீரைப் பயன்படுத்தி, பாதத்தைச் சுத்தப்படுத்திவிட்டு, புங்கன் தைலம் வாங்கித் தடவலாம். விரைவில் புண் ஆறும்.

தோல் உரிதல்

தோலின் வளர்ச்சி, காலநிலை மாற்றம், வைட்டமின் ஈ குறைபாடு காரணமாகச் சிலருக்குத் தோல் உரிதல் அதிகமாக இருக்கும். உணவில் தினம் ஒரு கீரை, காய்கறிகள் எடுத்துக்கொள்வது, வைட்டமின் ஈ மாத்திரைகளை உட்கொள்வதன் மூலம் இதனைக் குறைக்கலாம். மேலும், குளிக்கும்போது ஒரு காலை மற்றொரு பாதத்தால் தேய்த்துக் குளிக்க வேண்டும். இதனால், காலில் உள்ள வர்மப் புள்ளிகள் தூண்டப்பட்டு, பாதங்களில் ரத்த ஓட்டம் சீராகி, ஊட்டத்தை அளிக்கும்.

குதிகால் வாதம்

நன்றாகப் பாதங்களை ஊன்றி நடக்கவில்லை என்றாலோ, அதிக உயரமான செருப்பை அணிந்து நடந்தாலோ குதிகாலில் உள்ள எலும்புகள் கீழ் நோக்கி வளரும். இதனால், பாதங்களைக் கீழே ஊன்ற முடியாத அளவுக்குக் குதிகாலில் வலி ஏற்படும். இதற்கு, நன்றாகப் பழுத்த எருக்கு இலைகளை எண்ணெயில் காய்ச்சி, அதை ஒரு துணியில் நனைத்து, பாதத்தில் வைத்தால், வலி குறையும். கடைகளில் கிடைக்கும் மயனத் தைலத்தை சூடுபடுத்தி, குதிகாலில் தடவிவரலாம்.

சர்க்கரை நோயாளிகளுக்கு:

பாதங்களில் ஏற்படும் புண்கள் ஆற, அங்கு ரத்த ஓட்டம் சீராக அமைந்து, புதிய ரத்தம் வந்துகொண்டே இருக்கவேண்டும். ஆனால், சர்க்கரை நோயினால் பாதிக்கப்பட்டுள்ளவர்களுக்கு பாதம் வரைக்கும், தேவையான ஊட்டச்சத்துச் சுழற்சி வராமல் போகும். இதனால், அவர்களின் பாதங்களில் ஏற்படும் புண் விரைவில் ஆறாது. சுழற்சியை அதிகப்படுத்த, நரம்பினை உரமாக்கக்கூடிய மூலிகைகளை எடுத்துக்கொள்ளலாம். ஒரு பாத்திரத்தில் வெந்நீரையும், மற்றொரு பாத்திரத்தில் குளிர்ந்த நீரையும் எடுத்துக்கொண்டு, கால்களை மாற்றி மாற்றி அதில் நனைத்தால், ரத்த ஓட்டம் சீராகும்.

பகீரதாசனம் - கால்கள் வலுவடையும்

செய்முறை :

விரிப்பில் மேல் நின்று இருகால்களிலும் சமமாக இருக்கும்படி இருகால்களையும் ஒன்றாக வைத்துக்கொள்ளவும். பார்வை நேராக இருக்கட்டும். கைகள் உடலை ஒட்டி வைக்கவும். இந்த நிலையிலிருந்து ஒரு காலை மடித்து, குதிகாலை இரு தொடைகளுக்கு இடையில் மேல்பகுதியில் வைக்கவும். பாதம் ஒரு பக்கத்தொடையில் நன்கு அழுத்தமாகப் பதிந்திருக்கும்.

நிலையைச் சரிசெய்துகொண்டபின், மூச்சை உள்ளிழுத்தவாறு இரு கைகளையும் மேல்நோக்கி உயர்த்தி கும்பிட்ட நிலையில் வைக்கவும். முழு எடையும் ஒருகால் விரல்களில் இருக்கும். மூச்சை வெளியேவிட்டுக்கொண்டே கைகளையும், குதிகாலையும் கீழிறக்கி பழைய நிலைக்கு வரவும். இவ்வாறு ஒவ்வொரு பக்கமும் ஆறு முறை செய்யவேண்டும். ஆரம்பத்தில் ஒற்றை காலில் நிற்பது சற்று கடினமாக இருக்கும். அப்போது சுவற்றை பிடித்து கொண்டு நின்று பழகிய பின்னர் இந்த ஆசனத்தை செய்யலாம்.

பலன்கள்: கால்கள் வலுவடையும். கணுக்கால், கெண்டைச் சதைகள் நன்கு பலம் பெறும். மனம் ஒருநிலைபட உதவும். கவனம் அதிகரிக்கும்.

பாரிஹாசனம் - வயிற்றுத் தசையை வலுப்படுத்தும்

செய்முறை:

விரிப்பில் முழங்கால்களை மடக்கி முட்டி போட்டு உட்காரவும். வலது காலை வலது பக்கமாக நீட்டவும். வலது பக்க நுனிக் காலைத் திருப்பி வலது பாதம் தரையில் பதிக்கும் படி வைக்கவும். கைகள் இரண்டையும் பக்கவாட்டில் உயர்த்தவும். வலது கையையும், இடுப்பையும் வலது பக்கமாகத் திருப்பி வலது கை, கணுக்கால்கள் வழியாக வலது காலின் மேல் பாதத்தை தொடட்டும்.

இடது கரத்தைத் தலைக்கு மேலாக உயர்த்தி, இடது உள்ளங்கை வலது உள்ளங்கைக்கு மேலே வருவது போல் வைக்கவும். இடது கை இடது காதைத் தொட்டவாறு வர வேண்டும். இறுதி நிலையில் சாதாரண சுவாசம் மேற்கொண்டு மெதுவாக ஆரம்ப நிலைக்கு வரவும். இவ்வாறு மறுபக்கமும் இதே போல் செய்யவும். இதே போல் இந்த ஆசனத்தை 5 முதல் 7 முறை செய்ய வேண்டும்.

பலன்கள்: 1. வயிற்றுத் தசைகள் பலம்பெறும். 2. ஜீரண சக்தியை அதிகப்படுத்துகிறது. 3. கை, கால் வலுப்பெரும்.

யோகாசனம் ஒரு அறிமுகம்!

 

ஆசனம்: ஆசனம் என்றால் ஒரு நிலை என்று பொருள். அதாவது நம் உடலை, உடல் உறுப்புக்களை, ஒரு குறிப்பிட்ட வகையில், அசைவின்றி நிலைப்பித்த நிலை என்று பொருள். ஆனால் தேகத்தை சமச்சீர் நிலையில் வைத்திட தேகப் பயிற்சியும், அதைவிட நுண்ணிய ஆசனமும் தேவை ஆகும். ஆனால் ஆசனத்திற்கும், தேகப்பயிற்சிக்கும் வித்தியாசம் உள்ளது.
ஆசனம் - தேகப்பயிற்சி - ஒரு ஒப்புமை:
ஆசனம்        
1. ஒரு அசைவற்ற நிலை  
2. சக்தியைத் தேக்கிடுவது  
3. குறிப்பாக நரம்பு மண்டலத்தைப் பேணுவது
4. உடலுக்கும், மனதுக்கும் பணி ஓய்வு அளிப்பது
5. சுகம். அதாவது, ஆழ்ந்த உடல், மன மகிழ்வுக்கே முக்கியத்துவம்
6. திட உணவுப் பொருளை நம்பியிருப்பதைக் குறைப்பது
7. நோய்வாய்ப்பட்டிருப்போரும் சில ஆசனங்களைச் செய்யலாம்
8. தற்சார்வையும், தன்னுள் ஆழ்வதையும் வளர்ப்பது
9. இறையிடம் இட்டுச் செல்லும் நோக்கினால் உருவானது
10. உடலைக் குளிர்விக்கின்றது
11. உடல் உள் உறுப்புகளைப் பிசைந்து விட்டு இயங்க செய்கின்றது
12. நாடி நரம்புகளையும், தசைகளையும் ஒன்றாக இயக்குகிறது
13. இதயத்திற்கு நல்ல ஓய்வு
14. எவ்வயதினரும் செய்யலாம்
15. சக்தி உருவாகும்
16. மனஅழுத்தம் முற்றிலும் நீங்கும்
தேகப்பயிற்சி
1. அசைவிக்கும் செயல்பாடு
2. சக்தியைப் பயன்படுத்துவது
3.உடல் தசையமைப்பை மேம்படுத்துவது
4.உடலைப் பணிக்கு தயாரக்கிடுவது
5. கடுமையான பணிகளில் வலி,சிரமத்தை தாங்கிட முக்கியத்துவம்
6. மென்மேலும் திடஉணவை நம்பியிருக்கச் செய்கிறது.
7. நோய்வாய்ப்பட்டிருப்பின் செய்திட இயலாது
8. போட்டிமனப்பான்மையையும் அதனால் பிணக்கையும் கூட்டிடலாம்
9.இகவாழ்வில் நலம்பேணும் நோக்கு
10.உடலை உஷ்ணப்படுத்துகின்றது
11.வெளித்தோற்ற உறுப்புக்கு மட்டுமே பயன் தருவது
12.உடலின் புறத்தசைகளை மட்டுமே இயங்கச் செய்கின்றது
13.இதயத்தில் இரத்தஓட்டம் மிகுந்து வேகமாக துடிக்க வைக்கும்
14.முதியோர் செய்யக்கூடாது
15.சக்தி விரயமாகும்
16.மனஅழுத்தம் மிகும்
ஆசனம் பழகலில் நியதிகள் சில: நரம்புகள் பாதிக்கப்பட்ட நோயுடையவர்கள் டைபாய்டு, மஞ்சள் காமாலை, நெடு நாட்களாக உடலில் ஏதாவது உறுப்புகளில் புண் மற்றும் தோலில் நோயுள்ளவர்கள், இதய நோயுள்ளவர்கள், உடலில் ஏதேனும் ஒரு இடத்தில் அறுவை சிகிச்சை செய்து கொண்டவர்கள் பயிற்சி ஆசிரியரின் ஆலோசனையின்றி எந்த ஆசனமும் செய்தல் கூடாது. குறிப்பாக புத்தகங்களை படித்து அதன்படி செய்து பழகுவதும் கூடாது. முதன் முதலாகப் பயிலும்போது, புத்தகங்களை அல்லது பிரசங்கங்களை மட்டும் ஆதாரமாக்கி ஆசனங்களைத் தாமாகச் செய்வதைத் தவிர்க்கவும். துவக்கத்தில் சில நாட்களாவது, அன்றாடம், சிறிது நேரமாயினும், யோகாசனம் கற்பிப்பவரிடம் பயில்வதே நல்லது. பின்னர், ஒவ்வொரு ஆசனம் செய்வதிலும் தேர்ச்சி பெறுவதற்கு வீட்டிலேயே, அவரவர்களே பழகிவிடலாம்.
ஆசனம் பயிலவும், பழகவும் காலை நேரமே உகந்தது. இயன்றவரை, மலஜலம் கழித்து, நீராடிய பின் செய்தல் மேன்மை, இரவுப் - பணி (நைட் - ஷிப்ட்) உடையவர்கள், கண்விழிப்பாலும், பணியாலும் ஒய்ந்து போயிருக்கையில், காலைக்குப் பதிலாக மாலை நேரம் செய்யலாம். எனினும், மதியம் சாப்பிட்ட நேரத்துக்கும் மாலை ஆசனம் பழகும் நேரத்துக்கும் 4 மணி நேரமாவது இடைவெளி அவசியம். வயிற்றில் ஜீரணிக்கப்பட வேண்டியது இருக்கையில் ஆசனம் செய்தல் கூடாது. காபி, டீ, திரவம் தானே என்று அவற்றை அருந்திய உடனும் ஆசனம் செய்தல் கூடாது. உண்மையில், திடமான சாப்பாடு, டிபனை விட, காபி, டீ போன்றவற்றையே ஜீரணிக்கப்பட அதிக நேரம் பிடிக்கின்றன.
காற்றோட்டமுள்ள இடம் நல்லது. கை, கால், மற்றும் உடலை நீட்டித் திருப்பி வளைப்பதைத் தடுக்காத தளர்வான உடையே நல்லது. இறுக்கமான உடையைத் தவிர்க்கவும். ஆசனங்களை, சற்று கனமான விரிப்பின் மேல் செய்வது நல்லது. கை, கால் உடம்பின் அசைவு மிக மிக மெதுவாகவே  இருக்க வேண்டும்.  தினமும் எல்லா ஆசனங்களையும் செய்வதை விட, அவசரமின்றி சிலவற்றை செய்வதே நல்லது.தலை, கழுத்துப்பகுதி, மார்பு, வயிறு, முதுகு, கைகால்கள் அனைத்து உடல் பகுதிகளும் உட்படுத்திய ஆசனமோ அல்லது குறிப்பிட்ட தனி உறுப்புகளுக்கோ பயிற்சி எடுத்துக் கொள்ளும் போது, எந்த ஒரு உடலுறுப்பும் விறைப்பின்றி, தளர்த்திய நிலையிலும் மென்மையாகவும், நிதானமாகவும், மிக இயல்பாகவும் இருக்கும்படி பழக வேண்டும். பரபரப்பில்லாத மனநிலைக்கு மாறிக்கொள்ள வேண்டும்.
யோக சாஸ்திரம் மற்றும் ஆயுர்வேதாவில் சாத்வீக உணவு உண்பவர்கள் தான் நீண்ட காலம் ஆரோக்கியத்துடன் வாழ இயலும் என கூறுகிறது. சாத்வீக உணவில் பழங்கள், பச்சைக் காய்கறிகள், சமைத்த காய்கறி கலவை, இலையுணவு, பால், தயிர், உலர்ந்த பழங்கள், தேன், அரிசி மற்றும் முளை கட்டிய தானிய உணவுகள் அடங்கும். எந்த ஆசனமாயினும், உடலை ஒருநிலைப்படுத்தும் போது, இரண்டு முக்கிய செய்திகளை மறந்திடக் கூடாது.
1. அசைவின்மை:  எவ்வளவு  நொடிகள் அல்லது நிமிடங்கள் உடல் உறுப்புக்கள் அசையாமல் இருக்க முடிகிறதோ, அந்த அளவுக்கு ஒரு ஆசனத்தில் இருந்தால் போதும். மிகச் சிரமப்பட்டு அசைவைக் கட்டுப்படுத்த முயல வேண்டாம். நாள் செல்லச் செல்ல அசைவு குறைந்து நின்று விடும்.
2. சுகம்: ஒவ்வொரு ஆசனத்திலும் நமக்கு சுகமான உணர்வு ஏற்பட வேண்டும். விழித்த நிலையிலேயே, சுகமான உறக்கத்தின் அனுபவத்தை, பயனை அளிப்பதாக ஆசனம் அமைய வேண்டும். ஆசனம் பழகும் முன் செய்யப்படும்; கபாலபாதி போன்ற மூச்சுப்பயிற்சிகள் வேறு; பிராணாயாமம் என்ற சுவாசக்கட்டுப்பாடு வேறு. நம் எண்ணப்படி, காற்றை இழுத்து, நிறுத்தி வெளியிடும் திறனை அளிக்கின்ற பிராணாயாமத்தை ஆசனங்களில், ஓரளவு தேர்ச்சி பெற்ற பின் பழகிவிடுவதே நல்லது.
பெண்களுக்கான சில செய்திகள் : ஆண்களுக்கும் ஆசனம் அவசியம் என்றால், பெண்களுக்கு அவை அதி அவசியம் ஆகும். எனினும், அடிப்படை உடற்பாங்கு வேறுபாட்டுக்கு ஏற்ப இரு பாலரும் ஆசனத்திலும் சில மாறுபாடுகளை மேற்கொள்ள வேண்டும். பின்னால், குழந்தைப் பேறு காலத்தில், உடலை, தரையில் முழுமையாக நீட்டிட முடியாததைக் கருதி, பெண்கள் சிறு வயதிலிருந்தே குறுகிய வணங்கு முறையை பின்பற்றுகின்றனர். இது போலவே பருவமடையும் வரை பெண்களுக்கும் எல்லா ஆசனங்களையும் பழக்கினாலும், பூப்படைந்த பிறகு, மாதவிலக்குக் காலத்தில் சில நாட்களும், கருவுற்ற காலம் மற்றும் பிள்ளை பெற்ற பின்பு சில மாதங்களும் உடல்நிலைக்கேற்ப ஓரளவோ, முழுமையாகவோ ஆசனங்கள் செய்வதைத் தவிர்க்க வேண்டும். மருத்துவ அறிவும்உடைய ஆசனப்பயிற்றுவிப்பாளரிடம், எந்தெந்த ஆசனங்களை, எவ்வளவு நேரம் பழகிடலாம் என்று தெரிந்து கொண்டு செய்வது நல்லது. பெண்ணின் உடலும் பேணப்படும். எதிர்காலப் பிள்ளையின் நிலையும் பேணப்படும்.
பிராணயாமம்
பிராண சக்தி : பிராணயாமம் உயிர் பலம் சக்தி -தேஜஸ் ஒளி என்ற இரண்டும் பிராணன் ஆகும். உயிர் சக்தி (விடல் ஃபோர்ஸ்) பிராணன் என்ற சக்தியினை சமமாக்கி, உடலில் இருத்தி பஞ்சகோசங்களை அறிந்து இயற்கையினை விருப்பம் போல் இயங்க வைக்கும் முறை.
பந்தங்கள் : பிராணனைத் தேவைப்படும் போது தேவைப்படும் இடத்தில் வைக்க, அல்லது தடுத்து மாற்றிடங்களுக்குப் பரவச் செய்ய பந்தங்கள் பயன்படுத்தப்படுகின்றன.
முத்திரைகள் : பல முத்திரைகள் ஆசனங்களோடு இணைந்ததாகவே இருக்கின்றன. உடலையும், கை விரல்களையும் குறிப்பிட்ட வகையில் வடிவமைத்துக் கொண்டு இணைப்பது முத்திரையாகும். ஆசனங்கள், பந்தங்கள், முத்திரைகளை முறையே கற்காமல் நேரடியாக பிராணயாமத்திற்குச் செல்வது தவறாகும். உள நோயும், உடல் நோயும் வராதிருக்க மனம் அமைதியுற பிராணசக்தி, ஜீவசக்தி இத்தூல சரீரத்தில் பெருக, தொடர்ந்து ஜபம், தவம் செய்வோம். மன ஆற்றலுக்கு யோகமும் உடலாற்றலுக்கு ஆசனமும் எனப் புதிய இருவினை செய்வோம். இன்புறுவோம்.
அர்த்தமுள்ள யோகம் + ஆசனம்
யோகம்                                 ஆசனம்
உளவியல்                          உடலியல்
அகத்தூய்மை                   புறத்தூய்மை
புலன் கட்டுக்கோப்பு      உடலாற்றல் மேம்பாடு
மனஆற்றல்                       உட்சுரப்பிகள் உயிர்ப்பித்த
நினைவாற்றல்                 செயலாற்றல் துலக்கம்
உணர்வாற்றல்                  வளர்சிதைமாற்ற செயல்பாடு
தியானம்                                           பிராணயாமம்
ஆழ் மனத்தடவியல்                       உயிரியல்
நீள் நினைவு நோற்றல்                  உயிர் பரவல்
அறிவு வடிவு                                      உயிர்க்காற்றின் உலா
ஆத்மா தரிசனம்                               உயிர்க்காற்றின் உலா
ஆன்ம நிவேதனம்                            உலகுயிர் உடலுயிர் ஒற்றுமை
யோகாசனம் பழகுவதற்கு இங்கு சில முக்கிய ஆசனங்கள் கொடுக்கப்பட்டுள்ளது
இது தவிர இன்னும் பல ஆசனங்களையும் கற்றுப் பழகிட முயலவும். முக்கிய ஆசனங்கள் என்பது பொதுவாக மட்டுமே குறிப்பிடப்பட்டுள்ளது. அவரவர் தேக நலன் பராமரிக்க, வேறு சில ஆசனங்கள் மேலும் முக்கியமாக, அவசியமாக இருக்கலாம். ஒவ்வொருவரும் தத்தமக்கு உகந்ததை தவறாமல் செய்து நன்மை பெறவும். ஆசனங்கள் செய்யும் முன்பும், செய்திடும் போதும் அவசரப்படாது இருப்பது போலவே, செய்த பின்னரும் சில நிமிடங்களாவது அமைதியாக, வேறு பணியில் ஈடுபடாமல், இறைவனை தியானித்திருப்பது நல்லது. குறிப்பாக உடனே குளிப்பதையும், திரவ உணவையும் கூட தவிர்க்கவும்.